Un grupo interdisciplinar de investigadores con base na Universidade e Carolina do Norte estivo traballando na rexión francesa de Burgundy cerca de 30 anos. Tentamos entender os patróns cambiantes dos asentamentos humanos e o uso da terra nun período de 2.000 anos dende a Idade de Ferro, Galo-Romana, período Medieval ata o presente. O proxecto incluíu investigadores dunha ampla variedade de disciplinas, e parte do proxecto inclúe como conducir estas actividades de investigación interdisciplinarias de longa duración. SIX, GPS e teledetección foron parte integral do noso traballo, e a base de datos SIX foi creada por primeira vez en 1986, a cal foi unha das primeiras aplicacións arqueolóxicas. Fixemos investigación arqueolóxica, histórica, xeolóxica, ecolóxica e etnográfica na área arredor da comuna de Uxeau, no sur de Burgundy, a cal é unha paisaxe rica e resistente que mantivo a súa produtividade e estabilidade durante un período extenso.
A nosa pescuda, organizada polo marco teórico de Ecoloxía Histórica, céntrase na interacción da poboación, as súas sociedades, medios naturais e artificiais, e como estes mudaron ó longo do tempo. Utilizando unha colección de mapas históricos da área que se remontan a 1659, escaneamos, dixitalizamos e con extracción de entidades para un total de 21 mapas no nosa base de datos do amplo proxecto SIX. As entidades da base de datos inclúen cobertura do terreo (bosques, viñedos, pastos e terreos de cultivo), pozas e regatos, muíños, estradas e edificios dende datas distintas, cando é posible. Tamén temos datos de parcelas de catastro dende 1834, 1964 e 2012, o cal nos dá datos detallados nos patróns de mudanza dun uso do terreo detallado para a comuna de Uxeau (ver localización na Figura 1). O noso proxecto é interdisciplinar, e levamos a cabo amplos traballos de campo, historia oral e entrevistas etnográficas, investigación documental en varios arquivos e librerías, e unha análise xeolóxica e ecolóxica (ver Figura 3).
Unha función importante desta paisaxe é a auga, e iso é un dos focos da pescuda actual. A área está entrelazada con correntes que foron condenadas a formar lagoas, moitas remóntanse polo menos até a idade media. A creación e o mantemento destas lagoas cos seus encoros de terra precisaron unha grande morea de man de obra e gastos. A nosa pescuda amosou que estas lagoas feitas polas persoas se empregaron para auga para o gando, criar peixes para consumo doméstico e para venda, lavar a roupa, remollo de cáñamo para o procesamento, e para lecer. Unha das funcións máis importantes das lagoas no pasado foi facer funcionar os muíños, principalmente para a moenda do gran, pero tamén para o prensado do aceite e o corte de madeira. Moitos destes muíños desapareceron e moitos dos edificios dos muíños resistentes están en perigo debido a neglixencias ou remodelacións. O noso recente estudo de campo de lagoas e lugares de muíños identificados dende os mapas históricos deseñouse para documentar as lagoas restantes e os lugares dos muíños, verificar os datos históricos, probar novas tecnoloxías SIX e GPS, e entender mellor as condicións e as funcións cambiantes destas entidades na economía actual.
Os nosos estudos de campo incluíron avaliación, captura en vídeo e fotografía destes sitios, verificación das súas posicións tomando puntos GPS, mediante o uso do noso GPS Garmin, para aliñar os mapas históricos coa paisaxe actual (ver Figura 2). Levamos a cabo entrevistas con algúns dos actuais propietarios de estanques e muíños. O noso traballo documentou 52 estanques e 27 muíños na rexión.
Os datos e tipos de análises que estamos a usar actualmente para estudar esta paisaxe complexa inclúe unha serie de mapas que abranguen datas dende 1759 a 2012, os cales están integrados coa nosa gran base de datos SIX, rexistros históricos tales como rexistros de impostos catastrais, informes de agricultura e datos de poboación dende censos e rexistros civís/parroquiais, datos ambientais de pozas (pole, xeoquímica de sedimentos, tamaño de gran, isótopos estables) ata entrevistas orais histórico-etnográficas cos habitantes rurais locais.
O noso proxecto comezou empregando o GRASS no 1986, e prosegueu empregándoo, así como o comercial ArcGIS e unha variedade doutras ferramentas tales coma o Photoshop, o Garmin’s o BaseCamp, o eVis e outros. Con moitos contribuíntes e varias institucións non EEUU e Europa, e estudantes de graduado indo e vindo, empregar ferramentas de código libre e de balde tiña moito sentido. Achamos que a combinación do QGIS e o GRASS fornece capacidade de análise de datos e visualización, facilidade de uso, interoperabilidade, e portabilidade para o noso proxecto. Os arqueólogos tiveron unha forte presenza nas comunidades do GRASS e de código aberto durante moitos anos, e contribuíron moito a este importante esforzo, desenvolvendo e compartindo moitas prestacións. Eu mesmo participei en varios cursos curtos de 4 días do QGIS/GRASS/R en Francia ó longo de varios anos, compartindo estas ferramentas con moitos arqueólogos por toda Francia.
A nosa pescuda continuará a explorar a historia a longo prazo das relacións dos habitantes coa paisaxe e estenderemos o noso traballo máis aló do foco actual en muíños e pozas para incluír patróns de mudanza en bosques, pastos e prados, terras de cultivo e antigos viñedos na área.
Web do proxecto: http://burgundylandscapes.com con máis información e publicacións en liña.
Dr. Scott Madry: http://scottmadry.web.unc.edu ou email: madrys ‘en’ email.unc.edu