Comecei a aplicar os SIX ó meu traballo en bioxeografía hai arredor de 10 anos. A través das miñas prácticas de posgrao, o traballo de doutoramento e outros dous traballos de investigación, utilicei os paquetes de software propietario que estaban dispoñibles nos lugares de traballo — principalmente CartaLinx, Idrisi, ArcView e ArcGis. Pero atopei bastante molesto o feito de que estiveramos constantemente loitando con temas de renovación de licenzas e que non puidera utilizar o software máis aló do posto de traballo a menos que adquirise a miña propia licenza.
Cruzouse na miña mente en varias ocasións o feito de que mudar a software libre aforraríame estes problemas. Porén, había prexuízos en contra das capacidades de análise o software libre, e incluso despois oín falar do potencial de GRASS, que rexeitaba porque pensei que sería moi difícil de aprender. Estaba asustada de que puidera ser pesado migrar tódolos mapas e análises que fixera anteriormente. Ó inicio do meu post-doutorado en 2008, finalmente deille unha oportunidade e fixen un curso de formación en QGIS e GRASS. Foi probablemente a mellor decisión da miña vida profesional! Atopei que QGIS ofrecía unha interface moi intuitiva para GRASS, que se complementaban un ó outro perfectamente e que ofrecían tódalas capacidades analíticas que precisaba.
Comecei a usar ámbolos programas inmediatamente despois do curso. Non só comecei tódolos meus traballos de SIX con QGIS/GRASS [por exemplo 1, 2], senón que continuei as análises de previos traballos que fixera con software comercial. Por exemplo, construín modelos de distribución de lontra [3] e toupa de río [4] na península ibérica. Despois de mudar cara o QGIS-GRASS, analicei como se comportaban estes modelos cando se baixaba a escala para unha resolución máis fina [5]. Outro traballo previo en relacións bioxeográficas entre o lince ibérico e o coello [6] tivo unha continuación logo de mudar cara o QGIS-GRASS [7]. Non só non tiven problemas coa migración dos datos e resultados previos: atopei, tamén, moito máis doado facer as cousas que eu quería con este novo software, e era capaz de facer análises extra que non podía facer anteriormente cos programas que utilizaba.
En definitiva, mudar a QGIS/GRASS non me trouxo máis que vantaxes. Agora podo traballar libremente no despacho, na casa e co portátil de viaxe, sen ter que preocuparme das licenzas do software ou mudar a novas institucións. O software de código aberto cobre tódalas necesidades da miña pescuda e fornéceme a liberdade que desexaba.
[1] Barbosa A.M., Fontaneto D., Marini L. & Pautasso M. (2010) Is the human population a large-scale indicator of the species richness of ground beetles? Animal Conservation, early view. doi: 10.1111/j.1469-1795.2010.00363.x.
[2] Fontaneto D., Barbosa A.M., Pautasso M. & Segers H. (submitted) The “rotiferologist” effect and the drivers of species richness in rotifers.
[3] Barbosa, A.M., R. Real, J. Olivero & J.M. Vargas, 2003. Otter (Lutra lutra) distribution modeling at two resolution scales suited to conservation planning in the Iberian Peninsula. Biological Conservation, 114:377-387.
[4] Barbosa A.M., Real R. & Vargas J.M. (2009) Transferability of environmental favourability models in geographic space: the case of the Iberian desman (Galemys pyrenaicus) in Portugal and Spain. Ecological Modelling 220: 747-754. doi: 10.1016/j.ecolmodel.2008.12.004
[5] Barbosa A.M., Real R. & Vargas J.M. (2010) Use of coarse-resolution models of species” distributions to guide local conservation inferences. Conservation Biology, early vew. doi: 10.1111/j.1523-1739.2010.01517.x
[6] Real R., A. M. Barbosa, A. Rodríguez, F. J. García, J. M. Vargas, L. J. Palomo & M. Delibes, 2008. Conservation biogeography of ecologically-interacting species: the case of the Iberian lynx and the European rabbit. Diversity and Distributions, 15: 390–400. doi: 10.1111/j.1472-4642.2008.00546.x.
[7] Barbosa, A.M. & Real, R. (in press) Favourable areas for expansion and reintroduction of Iberian lynx accounting for distribution trends and genetic diversity of the European rabbit. Wildlife Biology in Practice.»