Versión 1.0
Esta é a Guía de Estilo Visual de QGIS. Este documento define os estándares para a utilización da nosa identidade visual. Propón unha modernización da marca QGIS para facela máis forte, máis visible e máis adaptable para un amplo abano de casos de uso.
A Guía de Estilo Visual é un documento vivo, iniciado co obxectivo de desenvolver unha mensaxe e unha imaxe consistentes para QGIS. É un documento «vivo» porque agardamos amplialo a medida que abarcamos máis casos de uso nos que a consistencia visual é importante e pode, ademais, describirse utilizando regras máis sinxelas. Os estándares e as políticas sinxelas aquí descritas están deseñadas para manter a uniformidade de presentación necesaria para o éxito dos esforzos de promoción e mercadotecnia para o proxecto QGIS.
A nosa identidade visual simboliza a forza, promesa de calidade e competencia de QGIS. O tratamento axeitado do logotipo, fonte e cores asegura que QGIS será recoñecido e destacado no medio do barullo de comunicacións. Os estándares gráficos son a expresión visual de QGIS e deben servir como base para a estratexia de comunicacións global.
Esta primeira versión da Guía de Estilo Gráfico perfila os elementos centrais do novo logotipo de QGIS. Futuras versións centraranse nos valores da marca e como difundir a marca QGIS a través da rede, dispositivos móbiles e materiais impresos.
Logotipo
Orixinal
Baixar ficheiro do logotipo
Logotipo SVG
Logotipo PNG
Logotipo monocromo SVG
Logotipo monocromo PNG
Preséntase aquí o novo logotipo de QGIS. Mantendo os elementos centrais no logotipo orixinal de QGIS (a letra Q cunha frecha atravesándoa), esta nova versión tenta ser nítida e escalable, presentando formas máis sinxelas e atrevidas.
Enuméranse debaixo os cambios propostos.
Consérvase o espírito existente, pero o logotipo é en negriña
Sombras eliminadas
O Q vai en sans-serif
A frecha pasa a ser parte da letra Q
O texto do logotipo de QGIS baséase na fonte libre Trueno Bold.
Cor
Cores primarias
Verde Escuro
HEX: #589632
RGB: 88, 150, 50
CMYK: 70.53, 18.84, 100, 3.7
A cor Verde Escura de QGIS para utilizar para cada elemento do logotipo na versión monocromo. Tamén pode utilizarse como fondo, encabezamento primario ou cor do texto.
Verde Claro
HEX: #93b023
RGB: 147, 176, 35
CMYK: 50.62, 12.6, 100, 0.86
A cor Verde Clara de QGIS para utilizar para contidos de menor importancia. Pode utilizarse como fondo secundario, texto ou cores de ligazóns.
O gradiente
As dúas cores primarias utilízanse como un gradiente linear vertical no logotipo e este gradiente pode utilizarse como fondo de páxinas web e materiais impresos
Paleta de Cor
Cores secundarias
Limón
HEX: #f0e64a
RGB: 240, 230, 74
CMYK: 11, 0, 79, 0
Laranxa
HEX: #ee7913
RGB: 238, 121, 19
CMYK: 0, 62, 96, 0
As cores Limón e Laranxa de QGIS para utilizar para as énfases e chamadas de atención
Paleta de Cor